|
|
De geschiedenis van Zoeë Is Ut Laeve
De kepčl is gebaore op 10 april 2008 tiedes
de fusievergadering van Joekskepčl Hoëge Noë(d)t en de Köbes
Kepčl.
Die fusie waas nuuëdig umdet iddere kepčl aafzónderlik
ein ónderbezetting had waodoor leuk mezičk make lastig woort.
 Alle muzikante hadde ein veurstel meuge
doon veur eine naam van de nieje kepčl en nao stumming bleek det Zoeë Is Ut Laeve beej de meiste in gooj aerd veel.
De naam duit rech aan alles waat d’r gebeurd is en alles waat d’r nog geit gebeure.
Tiedes diezelfde vergadering woort ’t
besteur gekaoze en inkele kemissies opgerich, want d’r waas nog
genóg werk te doon. ’t Rippertwaar meus waere vasgesteld, welke
kleier gaon we aan doon, wae regelt de aktiviteite en zoeë had
idderein de hendjes vol.
Um de gebaorte in stiel te viere óntstónd
’t idee det d’r dan ouk ein duipfees meus waere gehalde. Det
leek idderein waal kwant zoeëdet met die organisasie woort
begónne. Op dónderdaag 3 juli 2008 ging ein en ander gebeure.
Lokasies woorte geregeld, ein dreijbook gemak, beschute gesmaerd
en met sókkerkäörkes bestruijd, blome gehaold en neet te
vergaete, ein vaetje beer. Wethalder Peter Freij waas bereid
gevónde um de duipplechtigheid te doon op de Mert veur ‘t
stadhočs. Det ging gepaard met ’t aanslaon van ein vaetje beer
zoeëdet idderein kós prooste op de jóngste kepčl van Groeët
Venlo.
Gestart woord met 23 muzikante waodoor ’t
neet meugelik waas um in de Gaaspičp te gaon rippetere, dao waas
’t te klein. De keus veur de kelder ónder Zalzershaof loog veur
de hand, en det is wies noow ’t geval. De gasvreejheid van de
dames die ós van ein drenkske veurzeen zörgde d’r veur det
idderein zich flot thočs veulde.
Me mót altičd maar aafwachte of ein
samesmölting van ‘ne gas luuj positief očtwerk. In dit geval kin
ik zegge det ’t geweldig klik tösse de muzikante en, ouk hičl belangričk, tösse de partners. Gezelligheid en leuk mezičk
make geit weer hand in hand en det guf euveral blieje gezichte.
Dao is ’t um begós, want einen daag neet gelache is einen daag
neet gelaef. Plök d’n daag en bedink beej al waat d’r gebeurt:
Zoeë is ’t Laeve.
Gerard van Gestel
|
|
